MEHDİ BƏDƏLOVUN ÇIXIŞI
Quba rayonu Rustov kənd orta məktəbinin müəllimi MEHDİ BƏDƏLOV vurğuladı ki, çox zəngin və mənalı bir ömür yaşamış, nadir zəka sahibi, dünya diplomatiyasının görkəmli xadimi, Azərbaycan təhsilinin himayədarı və təəssübkeşi olan Prezident Heydər Əliyevi bütün türk dünyası sevir. Onun Azərbaycana rəhbərlik etdiyi dövrdə bütün sahələrdə olduğu kimi, təhsil sistemində də çox böyük uğurlar əldə edilmişdir. Müəllimə hörmət, həssas münasibət daim Prezidentimizin diqqət mərkəzində olmuşdur. Son dövrdə dövlətimizin başçısının təhsilin inkişaf etdirilməsi və müəllimlərin əmək haqlarının artırılması ilə bağlı gördüyü ardıcıl tədbirlər buna əyani misaldır.
Hazırda Quba rayonunda böyük idman kompleksinin inşa edildiyini xatırladan natiq Azərbaycan gəncliyinin lideri, Milli Olimpiya Komitəsinin Prezidenti İlham Əliyevə öz minnətdarlığını bildirdi, ölkəmizin tərəqqisi naminə ona yeni-yeni uğurlar dilədi. O, daha sonra dedi ki, rayonun təhsil işçiləri “Yeni Azərbaycan Naminə” İctimai Hərəkata qoşularaq, prezident seçkilərində ölkəmizdə sabitliyi və əmin-amanlığı təmin edən, dövlətçiliyimizi möhkəmləndirən Heydər Əliyevə hamılıqla səs verəcəyik.
Bölmənin digər xəbərləri
