Məhəmməd Daraşan: Azərbaycanda idman sürətlə inkişaf edir
Tehran, 5 may, AZƏRTAC
Azərbaycanda idman sürətlə inkişaf edir. Bakıda və rayonlarda idmançılar üçün çox yaxşı şərait yaradılıb.
AZƏRTAC xəbər verir ki, bu sözləri İranın Cüdo Federasiyasının rəhbəri Məhəmməd Daraşan Mehr xəbər agentliyinə verdiyi mesahibəsində deyib. O bildirib ki, İran ilə Azərbaycanın cüdo federasiyaları arasında əməkdaşlıq əlaqələri var. Ötən il Bakıda Azərbaycan, İran və İraqın cüdo federasiyaları arasında əməkdaşlıq haqqında müqavilə imzalanıb. Bu sənədə əsasən, həm İranda, həm də Azərbaycanda beynəlxalq turnirlərin keçirilməsi nəzərdə tutulub. Bununla yanaşı, tərəflər idmançı və məşqçiləri təcrübə mübadiləsinə cəlb edəcəklər.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
