MƏHƏMMƏD ŞÜBEYR FƏLƏSTİN MİLLİ BİRLİK HÖKUMƏTİNƏ BAŞÇILIQ ETMƏYƏ RAZILIQ VERMİŞDİR
AZƏRTAC-ın İTAR-TASS-dan aldığı xəbərə görə, mikrobioloq alim Məhəmməd Şübeyr Fələstin milli birlik hökumətinə başçılıq etməyə razılıq vermişdir. Şübeyr bu vəzifədə HƏMAS hərəkatı rəhbərliyinin üzvü İsmail Haniyəni əvəz edəcəkdir. 60 yaşlı Şübeyrin namizədliyi HƏMAS-la və Fələstin Muxtariyyətinin rəhbəri Mahmud Abbasın başçılıq etdiyi FƏTH hərəkatı ilə razılaşdırılmışdır.
İndi müstəqil siyasətçi, siyasi fraksiyalardan heç birinə qoşulmayan Məhəmməd Şübeyrin namizədliyini Mahmud Abbas rəsmən təsdiqləməlidir.
Şübeyr Misir və ABŞ-da təhsil almış, uzun müddət Qəzzədəki İslam Universitetinin rektoru olmuş və onun tibb fakültəsinə başçılıq etmişdir.
Bölmənin digər xəbərləri
