MƏHKUMLARIN MÜALİCƏSİ ÜÇÜN
Ədliyyə Nazirliyinin Məhkəmə Qərarları İcrası Baş İdarəsinin vərəmli məhkumlar üçün ixtisaslaşdırılmış müalicə müəssisəsində iki mərtəbəli rejim korpusu istifadəyə verilmişdir. Baş İdarədən AZƏRTAC-ın müxbirinə bildirmişlər ki, Avropa Komissiyasının ayırdığı 253 min avro məbləğində kredit hesabına “Azərkəndtikinti” Səhmdar Cəmiyyəti tərəfindən inşa edilmiş korpusda 110 məhkum müalicə olunacaqdır.
Avropa Komissiyası adından Yunanıstanın ölkəmizdəki səfiri Merkurios Karafotias, ədliyyə nazirinin müavini, general- mayor Aydın Qasımov korpusun açılış mərasimində çıxış edərək, vərəmli məhkumların müalicəsi üçün yaradılan şəraitdən danışmışlar. Bildirilmişdir ki, ümumiyyətlə, son illər ərzində görülən tədbirlər nəticəsində müxtəlif xəstəliklərdən ölən məhkumların sayı 3 dəfədən çox azalmışdır.
Bölmənin digər xəbərləri
