Meksikada narkotik kartelinin toqquşması nəticəsində 20 nəfər ölüb
Bakı, 2 iyul, AZƏRTAC
Meksikanın cənubundakı Çiapas ştatında narkotik kartelləri arasında qarşıdurma baş verib.
AZƏRTAC xəbər verir ki, bu barədə “Excelsior” məlumat yayıb.
Hadisədə 20 nəfər ölüb.
Qeyd olunur ki, tərəflər arasında silahlı münaqişə iyunun 29-da Çiapas ştatının La Konkordiya bələdiyyəsində baş verib.
Ölənlərdən dördünün Çiapas əyaləti ilə həmsərhəd olan Qvatemaladan olduğu bildirilib.
İlkin istintaq məlumatlarına görə, silahlı toqquşma Sinaloa karteli ilə Çiapas və Qvatemala kartelləri arasında sərhəd ərazisinə nəzarət üstündə baş verib.
Bölmənin digər xəbərləri
