MƏLEYKƏ ƏSƏDOVANIN ÇIXIŞI

19.07.2003 [01:47]
Çap et
A⁺ A^-

Respublikanın xalq artisti MƏLEYKƏ ƏSƏDOVA dedi ki, Heydər Əliyevin şərəfli ömür yolu ötən 34 ildə Azərbaycan xalqına, eləcə də dünya ictimaiyyətinə məlumdur. Məhz dövlətimizin başçısının tükənməz qayğısı sayəsində iqtisadiyyatımız da, mədəniyyətimiz də, elmimiz də, təhsilimiz də çiçəklənmiş, inkişaf etmişdir. Azərbaycan dövləti Heydər Əliyevin qüdrəti, zəkası və iradəsi sayəsində mövcudluğunu qoruyub saxlaya bilmişdir. Xarici ölkələrdə Heydər Əliyevin adını deyəndə Azərbaycan başa düşülür.

Ünlü sənətçi bu yaxınlarda Türkiyədə keçirilən tədbirdən qayıtdığını xatırladaraq vurğuladı ki, 50 milyonluq dünya azərbaycanlıları və 250 milyonluq türk dünyasının nümayəndələri Azərbaycan xalqının xilaskarı, əvəzolunmaz lideri, öndəri, rəhbəri Heydər Əliyevi alqışladılar. Bu o deməkdir ki, bütün türk dünyası Heydər Əliyevi dəstəkləyir və hər zaman ona səs verir.

Heydər Əliyev bizim bu günümüz, sabahımızdır. O, bizim işıqlı gələcəyimizdir. Qazanılan hər bir uğurumuz onun adı ilə bağlıdır. Mən fikrimi şerlə tamamlamaq istəyirəm.

Heydər çırağının pərvanəsiyik,

Bu günə ümidsən, sabaha yolsan.

Elə bir qanunun biz təşnəsiyik,

Ömürlük bu xalqa rəhbər olasan.

Sən mənim yurdumun qızıl tacısan,

Əziz millətimin ehtiyacısan,

Ağır yaramızın sən əlacısan,

Sağalsın əlinlə Vətən, dünyada.

Tanrım səni bizə sultan veribdir,

Dərdimiz var deyə, dərman veribdir,

Məni də sultana qurban veribdir,

İstərəm bu əhdə çatam dünyada.