“Mercedes-Benz” 95 min avtomobili Çindən geri çağırır
Pekin, 18 mart, AZƏRTAC
Almaniyanın məşhur istehsalçısı “Mercedes-Benz” Çin bazarında satığı 95 min avtomobili sükan nasazlığı ilə əlaqədar geri çağırır.
AZƏRTAC Çinin Dövlət Bazar Tənzimlənməsi Administrasiyasına istinadla xəbər verir ki, geri çağırılan avtomobillər “Mercedes-Benz”in Pekindəki müştərək müəssisəsində 2016-cı ilin oktyabrından 2018-ci ilin aprelinədək olan müddətdə istehsal olunan “E” və “GLC” sinif nəqliyyat vasitələridir.
Administrasiyanın mütəxəssisləri həmin avtomobillərin sükan sistemindəki nasazlıqların qəzalara səbəb olacağını güman edirlər. İstehsalçı şirkət qüsurlu hissələri öz hesabına dəyişəcək.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
