Mərdəkan qəsəbəsində məktəbə bomba qoyulması barədə yalan məlumat verən şəxs saxlanılıb
Bakı, 30 oktyabr, AZƏRTAC
Oktyabrın 29-da Daxili İşlər Nazirliyinin (DİN) 102 - Zəng Mərkəzinə zəng edən şəxs Xəzər rayonunun Mərdəkan qəsəbəsi ərazisindəki orta məktəblərdən birinin damına bomba qoyulması barədə məlumat verib.
DİN-in mətbuat xidmətindən AZƏRTAC-a bildirilib ki, dərhal polis əməkdaşları müvafiq tədbirlər həyata keçirib, lakin fakt təsdiqini tapmayıb.
Təxirəsalınmaz əməliyyat-axtarış tədbirləri nəticəsində zəng edən şəxs - Mərdəkan qəsəbə sakini, əvvəllər məhkum olunmuş 36 yaşlı P.Məmmədov müəyyənləşdirilərək polis əməkdaşları tərəfindən saxlanılıb.
Faktla əlaqədar Cinayət Məcəlləsinin 216-cı maddəsi (Terrorçuluq barədə bilə-bilə yalan məlumat vermə) ilə cinayət işi başlanılıb.
Bölmənin digər xəbərləri
