Mərkəzi Elmi Kitabxananın “İnformasiya bülleteni”nin dördüncü nömrəsi çapdan çıxıb
Bakı, 16 fevral, AZƏRTAC
Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) “İnformasiya bülleteni”nin dördüncü nömrəsi çapdan çıxıb.
MEK-dən AZƏRTAC-a bildirilib ki, “İnformasiya bülleteni”nin bu nömrəsi AMEA-nın prezidenti akademik İsa Həbibbəylinin “Akademiyanın qurucu prezidenti” məqaləsi ilə başlayır. Məqalə akademiyanın ilk prezidenti olan Mirəsədulla Mirqasımovun keşməkeşli, məsuliyyətli və şərəfli ömür yolundan bəhs edir.
Bülletendə, həmçinin 2023-cü ilin IV rübündə MEK-in fondlarına daxil edilən sənədlər, nəşrlər, avtoreferat və dissertasiyaların biblioqrafik siyahısı verilib. Eləcə də 2023-cü ildə Mərkəzi Elmi Kitabxanada hazırlanaraq nəşr olunan kitabların fotokollajı və burada keçirilən tədbirlər haqqında məlumat öz əksini tapıb.
Qeyd edək ki, nəşrin elmi redaktoru MEK-in direktoru professor Məmməd Əliyev, buraxılışa məsul şəxs direktor müavini, dosent Şəhla Tahirqızıdır.
Bölmənin digər xəbərləri
