MƏŞHUR BRİTANİYA AKTYORU ŞON KONNERİ KİTAB YAZACAQDIR
AZƏRTAC “Novosti” agentliyinə istinadla xəbər verir ki, məşhur Britaniya aktyoru Şon Konneri ssenariçi və rejissor Mürrey Qriqorla birgə “Konneri Şotlandiyası” adlı kitab yazacaqdır. Bu yarımavtobioqrafik əsərin nəşri 2007-ci ilin sentyabrında Şotlandiya və İngiltərənin birləşməsinin üç yüz illiyinin bayram ediməsi ilə bir vaxta düşməlidir.
Hazırda aktyor Baham adalarında yaşayır. Bundan əvvəl o bildirmişdir ki, Şotlandiya yenidən müstəqillik əldə etməyincə, vətəninə qayıtmaq niyyətində deyildir.
Konneri gələcək kitabı haqqında bəyanatında demişdir: “Biz öz kəşflərimizlə birlikdə Şotlandiyanın cəlbedici, yaxşı illüstrasiyalı və ümid edirəm, maraq oyadan tarixini yazmaq istəyirik”.
Bölmənin digər xəbərləri
