Miçiqan Universitetinin alimləri elmi şəkildə sübuta yetirmişlər ki, dahilik irsiyyətdən əsla asılı deyildir
Bakı, 3 iyul (AZƏRTAC). Miçiqan Universitetinin əməkdaşı Zak Hambrik və onun həmkarları 850 cüt əkiz üzərində araşdırma aparmışlar. Bir yumurtadan və iki yumurtadan olan əkizlər müqayisə olunmuşdur. Müəyyən edilmişdir ki, iki yumurtadan olan əkizlərin genetik informasiyası 50 faiz, bir yumurtadan olanlarınkı isə 100 faiz oxşardır.
AZƏRTAC xəbər verir ki, tədqiqatlar nəticəsində alimlər elmi şəkildə sübuta yetirmişlər ki, dahilik irsiyyətdən əsla asılı deyildir. Anadan dahi doğulmur, dahi olurlar. İnsanın genləri və davranışı müəyyən rol oynayır, lakin son nəticəyə yeniliyə can atmaq arzusu təsir göstərir.
Alimlər dahiliyin inkişafının hansı mərhələsində genlərin işə qarışdığını müəyyənləşdirmişlər. Saatlarla gərgin çalışmaq əzmini genlərin fəaliyyəti şərtləndirir. Genlərin köməyi olmadan gərgin fəaliyyət səmərə vermir.
Yüksək intellektə meyilləndirən genlər mövcuddur. Lakin genlərin heç biri insandan dahi yaratmaq iqtidarında deyildir. Bunun üçün çoxlu zəhmət çəkmək və daim çalışmaq lazımdır. Bunu təsdiq etmək üçün alimlər istedadlı musiqiçiləri nümunə gətirirlər.
Bölmənin digər xəbərləri
