Milli Kitabxanada Sabit Rəhmanın 100 illik yubileyi qeyd olunacaqdır
Bakı, 6 dekabr (AZƏRTAC). Dekabrın 7-də M.F.Axundzadə adına Azərbaycan Milli Kitabxanasında Mədəniyyət və Turizm Nazirliyinin təşkilatçılığı ilə görkəmli yazıçı-dramaturq Sabit Rəhmanın 100 illik yubileyinə həsr olunmuş tədbir keçiriləcəkdir.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, tədbir çərçivəsində Sabit Rəhmanın kitablarından, tərcümə etdiyi əsərlərdən və ədibin həyat və yaradıcılığını əks etdirən nəşrlərdən ibarət sərgi nümayiş etdiriləcəkdir.
Yubiley tədbirində “Sabit Rəhman-100” biblioqrafiyasının və filologiya elmləri doktoru Bədirxan Əhmədovun “Sabit Rəhman: həyatı, mühiti, yaradıcılığı” kitabının təqdimatı keçiriləcəkdir.
Bölmənin digər xəbərləri
