Milli Məclis sədrinin müavini: İdman, mədəniyyət və təhsil gəncləri bir araya gətirən sahələrdir
Bakı, 20 fevral, AZƏRTAC
Məşhur filosoflardan olan İbn Rüşdün sözləri ilə desək, nifrətin, zorakılığın qarşısını almağın ən səmərəli üsullarından biri, bir-birini tanımaq, ünsiyyətdə olmaqdır. İdman, musiqi, mədəniyyət, təhsil gəncləri bir araya gətirən, yaxınlaşdıran sahələrdir.
AZƏRTAC xəbər verir ki, bu fikri Milli Məclis sədrinin müavini, parlamentin Gənclər və idman komitəsinin sədri Adil Əliyev fevralın 20-də XIII Beynəlxalq Multikulturalizm Qış Məktəbinin iştirakçıları ilə keçirdiyi görüşdə səsləndirib.
Milli Məclis sədrinin müavini bildirib ki, budəfəki qış məktəbinin keçirilməsi də buna əyani misaldır. Dünyanın müxtəlif ölkələrindən gələn, fərqli regionları və mədəniyyətləri təmsil edən iştirakçılar Azərbaycanda bir araya gəlirlər. Bu, multikulturalizmin kiçik, amma praktik və real bir modelidir.
“İnanıram ki, XIII Multikulturalizm Qış məktəbi uğurlu keçəcək”, - deyən Adil Əliyev əmin olduğunu bildirib ki, qonaqlar Azərbaycandan xoş təəssüratlarla ayrılacaqlar.
Bölmənin digər xəbərləri
