MİLLİ MƏCLİSİN DAİMİ KOMİSSİYASININ İCLASI KEÇİRİLMİŞDİR
Komissiyanın sədri Səttar Səfərov demişdir ki, layihə 2003-cü il iyunun 20-də Milli Məclisdə birinci oxunuşda müzakirə olunarkən bir sıra irad və təkliflər səslənmişdir. İşçi qrupu təklifləri öyrənmiş və məqbul olanları nəzərə almışdır.
Layihə ilə bağlı məlumat verən Milli Məclis Aparatının iqtisadi qanunvericilik şöbəsinin müdir müavini İslam Rəfibəyli bildirmişdir ki, qanunun adında, bir sıra maddələrində dəyişiklik edilmişdir. Layihədə deyilir ki, bu qanun Azərbaycan Respublikası ərazisində sahibkarlıq fəaliyyəti ilə məşğul olan hüquqi və fiziki şəxslərin əmlakının və üçüncü şəxs qarşısında mülki məsuliyyətinin yanğından sığortası sahəsində münasibətləri tənzimləyir. Əvvəlki layihədən fərqli olaraq, yeni variantda sığorta məbləği də iki dəfə azaldılaraq sığorta edilən əmlakın dəyərinin 0,3 faizi miqdarında müəyyən edilmişdir.
İclasda Milli Məclis sədrinin birinci müavini Arif Rəhimzadə iştirak etmiş və layihə ilə bağlı öz təkliflərini bildirmişdir.
Deputatların və dəvət olunmuş mütəxəssislərin rəy və təklifləri dinlənildikdən sonra layihənin ikinci oxunuşda parlamentin müzakirəsinə çıxarılması qərara alınmışdır.
Bölmənin digər xəbərləri
