MİLLİ MƏCLİSİN DEPUTATLARI FRANSAYA SƏFƏR EDƏCƏKLƏR
Milli Məclisin nümayəndə heyəti Fransa parlamentinin dəvəti ilə aprelin 5-8-də Parisdə səfərdə olacaqdır.
Milli Məclisin İqtisadi siyasət daimi komissiyasının sədr müavini Əli Əlirzayev AZƏRTAC-ın müxbirinə demişdir ki, səfərdən məqsəd parlamentlərarası əlaqələri inkişaf etdirmək, qanun yaradıcılığı sahəsində təcrübə mübadiləsi aparmaq və bir sıra digər məsələləri müzakirə etməkdir. Fransa parlamentində keçiriləcək görüşlərdə, həmçinin İraq ətrafında yaranmış böhran, Azərbaycanın terrora qarşı fəal mübarizəyə qoşulduğu halda özünün təcavüzə məruz qalması, amma bu məsələyə ikili yanaşmalar müzakirə ediləcək, eləcə də, bəzi deputatlara Dağlıq Qarabağ münaqişəsi ilə bağlı ətraflı məlumat veriləcəkdir.
Nümayəndə heyətinə deputatlar Gülər Əhmədova, Vəsadət Əzizov, Əliməmməd Nuriyev daxildirlər.
Bölmənin digər xəbərləri
