MİLLİ MƏCLİSİN DEPUTATLARI MDB PA-NIN İCLASLARINDA İŞTİRAK EDƏCƏKLƏR

14.11.2006 [20:13]
Çap et
A⁺ A^-

AZƏRTAC xəbər verir ki, noyabrın 15-16-da Sankt-Peterburq şəhərində MDB Parlamentlərarası Assambleyasının ümumi iclası, eyni zamanda hüquqi məsələlər, sosial siyasət və insan hüquqları, iqtisadiyyat və maliyyə məsələləri daimi komissiyalarının iclasları keçiriləcəkdir.

Yığıncaqlarda Milli Məclisin regional məsələlər daimi komissiyasının sədri Arif Rəhimzadə, deputatlar Rövşən Rzayev və Azər Əmiraslanov iştirak edəcəklər.

Milli Məclisin mətbuat xidmətindən bildirmişlər ki, iclaslarda MDB ölkələrində sosial siyasətin əsas istiqamətləri, miqrantların və itkin düşənlərin problemləri, əlillərin sosial müdafiəsi ilə bağlı model qanun layihələri müzakirə olunacaqdır.

Deputatlarımız tədbirlərdə çıxış edəcək, müzakirə olunan məsələlərə Azərbaycan tərəfinin münasibətini bildirəcəklər.