MİLLİ QƏHRƏMANLARIMIZIN FOTOŞƏKİLLƏRİNDƏN İBARƏT PLAKATLAR ÇAP OLUNMUŞDUR
Milli Qəhrəmanları tanıtma ictimai birliyinin sədri Elşən Məmmədov AZƏRTAC-ın müxbirinə bildirmişdir ki, 209 milli qəhrəmanımızın fotoşəkillərindən ibarət plakatlar çapdan buraxılaraq respublikamızın təhsil müəssisələrinə, ictimai təşkilatlarına paylanmışdır. Ümummilli liderimiz Heydər Əliyevin vaxtilə verdiyi məsləhətə əsasən görülən bu xeyirxah iş artıq başa çatdırılmışdır. Bu təşəbbüs gənc nəslin hərbi vətənpərvərlik tərbiyəsi işinə də müsbət töhfəsini verəcəkdir.
