MİLLİ QURTULUŞ GÜNÜ İSPANİYADA QEYD EDİLMİŞDİR

14.06.2006 [23:01]
Çap et
A⁺ A^-

Azərbaycanın İspaniyadakı səfirliyindən AZƏRTAC-a daxil olmuş məlumatda bildirilir ki, iyunun 14-də Milli Qurtuluş Günü münasibətilə toplantı keçirilmişdir. Toplantının iştirakçıları ulu öndər Heydər Əliyevin səfirliyin binasında ucaldılmış büstünün önünə gül-çiçək dəstələri düzmüşlər.

Səfır M.Əliyev toplantı iştirakçılarına Heydər Əliyevin parlaq həyat yolundan, müstəqil Azərbaycan dövlətçiliyinin qurulması və dünyada nüfuzunun artırılması istiqamətində gördüyü işlər barədə ətraflı məlumat vermiş, 1993-cü ilin 15 iyun gününün, həqiqətən də, ölkəmizin və xalqımızın taleyində dönüş nöqtəsi olduğunu bildirmişdir.

Ümummilli liderimiz Heydər Əliyevin müəyyən etdiyi daxili və xarici siyasət xəttinin bu gün Azərbaycan Prezidenti İlham Əliyev tərəfindən uğurla davam etdirildiyi, ölkəmizin beynəlxalq nüfuzunun daha da artdığı və sosial-iqtisadi sahədə böyük uğurlara nail olunduğu toplantı iştirakçılarının diqqətinə çatdırılmışdır.

Sonra Heydər Əliyevin böyük həyat yolundan bəhs edən film nümayiş etdirilmiş, iştirakçılar ulu öndər haqqında kitablarla tanış olmuşlar.