Millimizin “Slovakia Cup-2018” turniri üçün heyəti açıqlanıb
Bakı, 4 may, AZƏRTAC
Slovakiyada 2000-ci il təvəllüdlü futbolçulardan ibarət yığma komandalar arasında beynəlxalq turnir keçiriləcək. Mayın 7-11-də təşkil olunacaq “Slovakia Cup-2018” turnirində Azərbaycan U-19 yığması ilə çıxış edəcək.
Millimiz Slovakiya, Uels və Macarıstan yığmaları ilə birgə “A” qrupunda yer alıb.
Yığmamızın turnir üçün heyəti açıqlanıb. Heyətdə Nicat Mehbalıyev, İbrahim Hüseynov, Rauf Hüseynli, Xəqani Sadıxov, Səbuhi Abdullazadə, Turan Vəlizadə, Toral Bayramov, Rüfət Abdullazadə (hamısı “Qarabağ”), İdris İnqilablı, Rüstəm Nuriyev, Kamran Quliyev, Əmrah Zülfüqarlı (hamısı “Qəbələ”), Zahid Mərdanov, Kamran Məmmədov, Emil Qasımov, Şakir Seyidov (hamısı “Səbail”), Əkpər Vəliyev, Elvin Cəfərquliyev (hər ikisi “Keşlə”), Elvin Talıbov (“Rostov”, Rusiya), Hüseyn Əhmədov (“Qelios”, Ukrayna) və Elnur İbrahimov (“Spartak-2”, Rusiya) yer alıblar.
Bölmənin digər xəbərləri
