Bakı, 4 fevral, AZƏRTAC

Azərbaycan Prezidenti İlham Əliyevin Sərəncamı ilə 2020-ci ilin “Könüllülər ili” elan edilməsi ilə əlaqədar “Miqrasiya Könüllüsü” İctimai Birliyi və “Boston Training Center” şirkəti arasında anlaşma memorandumu imzalanıb.

Dövlət Miqrasiya Xidmətindən AZƏRTAC-a bildiriblər ki, razılaşmaya əsasən şirkət könüllülər üçün xarici dillərin tədrisini və müxtəlif mövzular üzrə təlimlər həyata keçirəcək. Peşəkar müəllimlər tərəfindən ödənişsiz tədris ediləcək dil kurslarının məzunlarına “Boston Training Center” tərəfindən beynəlxalq sertifikatlar veriləcək.

Yaxın günlərdə dil kurslarında iştirak etmək istəyən könüllülərin qeydiyyatına start veriləcək.