“MİRHƏMZƏ SEYİD NİGARİ. DİVAN” KİTABI NƏŞR ETDİRİLMİŞDİR
Bakı, 14 may (AZƏRTAC). Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu XIX əsrin böyük sufi şairi və mütəfəkkiri Mirhəmzə Seyid Nigarinin Azərbaycan dilində “Mirhəmzə Seyid Nigari. Divan” kitabını nəşr etdirmişdir.
Elm və təhsil nəşriyyatında işıq üzü görən kitab şairin institutda saxlanılan əlyazmaları əsasında çap olunmuşdur. Kitaba şairin “lirik şeirlər toplusu-divanı”, həyatından bəhs edən “Seyid Nigari mənaqibi” və alleqorik “Çaynamə” məsnəvisi daxildir.
Şairin şeirlərində ilahi eşq, Vətənə, xüsusən doğma yurdu Qarabağ torpağına sonsuz məhəbbət, mənəvi saflıq, yüksək bəşəri hisslər, həmçinin mənsub olduğu nəqşbəndi təriqətinin ideyaları öz əksini tapmışdır.
Kitabın tərtibçisi, müasir əlifbaya çevirəni, ön söz, lüğət, qeyd və izahların müəllifi filologiya elmləri namizədi Nəzakət Məmmədlidir.
Bölmənin digər xəbərləri
