Mirsalam Qənbərov: Təəssüf ki, bəzi şirkətlər yaşıllıqlarla bağlı öhdəliyi yerinə yetirmirlər
Bakı, 6 noyabr, AZƏRTAC
Ölkəmizin müxtəlif ərazilərində, xüsusilə də Bakıda müxtəlif qurumların iştirakı ilə ilboyu ağacəkmə aksiyaları keçirilsə də, statistikaya görə, paytaxtda yaşıllıqların sayı əvvəlki dövrə nisbətən azdır.
AZƏRTAC xəbər verir ki, bunu Dövlət Ekoloji Ekspertiza Agentliyinin İdarə Heyətinin sədri Mirsalam Qənbərov noyabrın 6-da agentlikdə ətraf mühitin mühafizəsi sahəsində qanunvericilik aktlarının şərhi, fiziki və hüquqi şəxslərin ekoloji öhdəlikləri, o cümlədən yaşıllıqların götürülməsi, bərpa dəyəri, mühafizəsi mövzusunda keçirilən ictimai dinləmədə deyib.
Agentliyin sədrinin sözlərinə görə təəssüf ki, bir sıra tikinti layihələri rəy alarkən yaşıllıqların mühafizəsi, götürülmüş ağacların kompensasiya öhdəliyi götürsələr də sonradan buna əməl etmirlər: "Layihə əsasında tikinti aparılır, qaz, işıq, su, kanalizasiya xətləri çəkilir, amma növbə yaşıllıq sahəsinə gələndə bu, yaddan çıxır. Bildiririk ki, artıq bununla bağlı müvafiq qurumlara göstəriş verilib. Rəy verilmiş yerlərdə yaşıllıqların salınması ilə bağlı vəziyyətə yenidən baxılacaq və tələblərə cavab verməyən ərazilərlə bağlı bir daha müsbət rəy verilməyəcək".
Bölmənin digər xəbərləri
