Misir neft və qaz yataqlarının kəşfiyyatı məqsədilə iki tender elan edəcək
Qahirə, 22 may, AZƏRTAC
Misir 2018-ci ildə ölkənin bir sıra regionlarında neft və qaz yataqlarının kəşfiyyatı məqsədilə iki tender elan edəcək.
AZƏRTAC xəbər verir ki, bu barədə Misirin neft və mineral resurslar naziri Tarek əl-Mula bildirib ki, söhbət ölkənin qərbindəki səhrada 5 neft yatağından, Nil çayının vadisində 2, Süveyş körfəzində 3 və ölkənin şərqindəki səhrada 1 neft yatağından gedir. Bundan əlavə, Aralıq dənizindəki 13 qaz yatağı və Nil çayının deltasındakı 3 qaz yatağı da tenderə çıxarılacaq.
Nazirin sözlərinə görə, yeni tenderlər neft və qazın kəşfiyyatı üçün müqavilələrin sayının artmasına səbəb olacaq və sözügedən rayonların fəaliyyətinə müsbət təsir edəcək. Bu da yaxın illərdə kəşf edilmiş neft ehtiyatlarının və neft-qaz resurslarının istehsalının artmasına köməklik göstərəcək. Tarek əl-Mula qeyd edib ki, yeni yataqlar Misirin özünü neft və qazla təmin etmək planlarına da kömək edəcək.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
