Misirdə “Göy balina” oyunu qadağan edilib
Qahirə, 9 aprel, AZƏRTAC
Misirin ali islam orqanı “Dar al-İfta” sosial şəbəkələr vasitəsilə yayılan “Göy balina” onlayn-oyununa qadağa qoyulması barədə fətva verib.
AZƏRTAC Misir KİV-lərinə istinadla xəbər verir ki, ekspertlərin fikrincə, bu oyun yeniyetmələri intihara sövq edir. Ölkənin dini hakimiyyətinin nöqteyi-nəzərincə, oyun özündə islama zidd olan ünsürləri ehtiva edir. Bu qadağan əvvəl Misirin bəzi KİV-lərində dərc edilmiş məlumatlarda göstərilirdi ki, bir neçə yeniyetmənin intihar etməsinin bu oyunla bağlı ehtimal olması ehtimal edilir.
Qeyd edilir ki, Misir Parlamentinin keçmiş üzvü Hamdi al Faharaninin 18 yaşlı oğlu da bu oyunun qurbanlarından olub. Onlayn-oyunun digər qurbanı olan 15 yaşlı qız isə siçovul zəhəri içərək intihara cəhd edib. Xoşbəxtlikdən, tibb işçiləri onun həyatını xilas ediblər.
Oxşar hadisələr barədə daha əvvəl İordaniyada və Tunisdə də xəbər yayılıb.
Onlayn-oyunlar üzrə Misir Birliyinin sədri Şərif Əbdül Bakı bu oyunların bağlanması barədə tələbləri şərh edərək bildirib ki, hər hansı saytın və bu tip oyunları bağlamaq çox yüksək texniki imkanlar lazımdır. Onun sözlərinə görə, oyunların bağlanması vəziyyətdən çıxış yolu deyildir. Əksinə yerli əyləncəli oyunlar yaradılmalı və maarifləndirmə kampaniyaları aparılmalıdır.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
