MİSİRDƏ KEÇİRİLƏN “XALQLAR GÜNÜ” SƏRGİSİNDƏ AZƏRBAYCAN DA TƏMSİL OLUNMUŞDUR
Azərbaycanlıların Misir Ərəb Respublikasındakı Tələbə Cəmiyyətindən AZƏRTAC-a bildirmşlər ki, aprelin 23-25-də Qahirənin əsas turizm mərkəzlərindən olan Firon kəndində 11 dövlətin nümayəndələrinin iştirakı ilə keçirilən III “Xalqlar Günü” sərgisində Azərbaycan da təmsil olunmuşdur.
Misirdəki səfirliyimizin dəstəyi ilə sərgidə iştirak edən tələbələrimiz Azərbaycanın tarixi, mədəniyyəti, Ermənistanın ölkəmizə qarşı hərbi təcavüzü haqqında qonaqlara geniş məlumat vermiş, ərəb və ingilis dillərində broşürlər təqdim edilmişdir.
Sərgidə iştirak edən dövlətlərin təmsilçilərinə və qonaqlara Cəmiyyət tərəfindən xüsusi hazırlanmış DVD-lər də paylanmışdır.
Tələbə Cəmiyyətinin səyi nəticəsində Azərbaycan bu sərgilərin daimi iştirakçıları siyahısına daxil edilmişdir.
Bölmənin digər xəbərləri
