MİSİRDƏ NEFT VƏ ENERGETİKA NAZİRLƏRİNİN AFRİKA KONFRANSI KEÇİRİLİR
“Dünyada neftin qiymətlərinin artması və Afrikada neft-qaz və neft-kimya sektorlarının vəziyyəti ilə əlaqədər Afrika ölkələrinin iqtisadiyyatına onun təsiri” konfransın əsas mövzusudur. Bundan əlavə, Afrika nazirləri enerji ehtiyatlarının çıxarılması sahəsində uzlaşdırmanı müzakirə edəcəklər.
Konfransın iclaslarının gündəliyində Afrika Neft Fondu rolunun artırılması məsələsi də var. Xatırladaq ki, bu Fondun yaradılması 2006-ci ilin yanvarında Xartumda Afrika zirvə toplantısında elan edilmişdir. Fond neft idxal edən Afrika ölkələrinə “qara qızıl”ın qiymətlərinin enib-qalxması şəraitində yardım göstərir.
Qahirə konfransının təşkilatçıları Afrika İttifaqı və Afrika İnkişaf Bankı, habelə Misirin Neft Nazirliyidir.
Neft və energetika nazirlərindən başqa, konfransda iqtisadiyyat və maliyyə sahəsinin mütəxəssisləri, Afrikanın neft-qaz sektoru təşkilatlarının nümayəndələri də iştirak edirlər.
Bölmənin digər xəbərləri
