DÜNYA
MİXAİL BABİÇ ÇEÇENİSTAN HÖKUMƏTİNİN YENİ SƏDRİ TƏYİN OLUNMUŞDUR
Çeçenistan Respublikası icra hakimiyyəti başçısının fərmanı ilə İvanovsk vilayətinin 33 yaşlı vitse-qubernatoru Mixail Babiç Çeçenistan hökumətinin yeni sədri təyin edilmişdir. Bunu İTAR-TASS-a Çeçenistan Respublikasının Rusiya Federasiyası Prezidenti yanında səlahiyyətli nümayəndəsi Adlan Maqomadov bildirmişdir.
Babiçin yeni vəzifəsi rəsmi olaraq icra hakimiyyəti başçısının birinci müavini, Çeçenistan Respublikası hökumətinin sədri adlanır. Maqomadovun sözlərinə görə, Babiçin bu vəzifəyə namizədliyini Çeçenistan Respublikası icra hakimiyyətinin başçısı Əhməd Qədirov irəli sürmüşdür. Çeçenistan Respublikasının səlahiyyətli nümayəndəsi əlavə etmişdir ki, Qədirovun bu təklifi Cənub federal dairəsi rəhbərliyi ilə razılaşdırılmış və Moskva tərəfindən dəstəklənmişdir”.
Hökumətin keçmiş sədri Stanislav İlyasov noyabrın 7-də Rusiya Federasiyasının Çeçenistan işləri üzrə naziri təyin olunmuşdur.