MODUL ELEKTRİK STANSİYASININ TİKİNTİSİ ÜÇÜN HAZIRLIQ İŞLƏRİ BAŞA ÇATMAQ ÜZRƏDİR
Naxçıvan modul tipli elektrik stansiyasının tikintisi üçün hazırlıq işləri başa çatmaq üzrədir. “Azərenerji” ASC-nin mətbuat xidmətindən AZƏRTAC-a bildirmişlər ki, modul stansiyanın inşası üçün Finlandiyadan, Bolqarıstandan və bir sıra MDB ölkələrindən müxtəlif avadanlıq və təchizat materiallarının gətirilməsi davam edir. Tikinti meydançasına indiyədək yüklə dolu, təqribən, 70 konteyner daxil olmuşdur.
ASC ilə alyansda olan Finlandiyanın “Vartsila” şirkətinin mütəxəssisləri ayın sonunda muxtar respublikaya gələcək və quraşdırma işlərinə başlayacaqlar. Burada onların fəaliyyəti və istirahəti üçün hər cür şərait yaradılmışdır.
Enerji inşaatçıları modul tipli elektrik stansiyasını cari ilin sonunadək enerji sisteminə qoşmağı qarşıya məqsəd qoymuşlar.
Bölmənin digər xəbərləri
