Monqolustanlı gimnast: Öz çıxışımla rəqiblərimdən geri qalmadığımı göstərdim
Bakı, 8 mart, AZƏRTAC
Mən öz çıxışımla rəqiblərimdən geri qalmadığımı göstərdim.
Bu sözləri monqolustanlı gimnast Davanyam Namuntsetseq Bakıda baş tutan Dünya Kubokundakı çıxışı barədə AZƏRTAC-a açıqlamasında deyib.
Yarışdakı çıxışını başa vurduğunu söyləyən idmançı təşkilatçılıqdan məmnun qaldığını da bildirib: “Yarış mənim üçün çox yaxşı keçdi. Bəli, çətin ola bilər, ancaq mübarizəmdən razı qaldım”.
Bakı şəhərinin çox möhtəşəm olduğunu söyləyən idmançı əlavə edib: “Yarışların təşkil olunduğu Milli Gimnastika Arenasında idmançılar üçün bütün şərait yaradılıb”.
Qeyd edək ki, “Paris-2024” Yay Olimpiya Oyunlarına lisenziya xarakteri daşıyan yarışda 67 ölkədən ümumilikdə 300-dək kişi və qadın gimnast qüvvəsini sınayır. Dördgünlük yarışların yekununda, həmçinin ən yüksək icra xalı toplamış gimnastlara ənənəvi “AGF Trophy” Kuboku təqdim olunacaq.
Bölmənin digər xəbərləri
