MÜAYİNƏLƏRİN NƏTİCƏLƏRİ QUŞ QRİPİ VİRUSU AŞKAR ETMƏDİ
Respublika Baytarlıq Laboratoriyasında aparılan hərtərəfli müayinə zamanı nümunələrdə kokk mənşəli infeksiyaların və kolibakterioz xəstəliklərinin törədiciləri aşkar olunmuşdur. Bu xəstəliklərin quş qripi və Nyukasl xəstəlikləri ilə heç bir əlaqəsi yoxdur və insanların həyatı üçün ciddi təhlükə törətmir.
Yerli baytarlar kəndin həyətlərində dezinfeksiya işləri aparmış, əhalini maarifləndirmişlər.
DBX əhalinin diqqətinə bir daha çatdırır ki, heyvan və quşlar arasında narahatlıq müşahidə olunanda yerli baytarlıq idarələrinə və məntəqələrinə müraciət etsinlər, heyvan və quşların özbaşına müalicəsinə, peyvənd olunmasına və başqa tədbirlər görülməsinə yol verməsinlər.
Xatırladaq ki, sərhədlərdə baytarlıq nəzarəti məntəqələri ciddi iş rejimində fəaliyyət göstərir, bölgələrdəki baytarlıq idarələri kifayət qədər dezinfeksiyaedici maddələrlə təmin edilmişdir. Quş qripi qeydə alınan ölkələrdən quş və quş əti məhsullarının, yem və yem əlavələrinin idxalına, habelə köçəri quşların ovlanmasına qoyulan qadağa hələ də qüvvədədir.
Bölmənin digər xəbərləri
