MÜAYİNƏLƏRİN NƏTİCƏSİ BİR NEÇƏ GÜNDƏN SONRA AÇIQLANACAQDIR
Dövlət Baytarlıq Xidmətinin mətbuat mərkəzindən AZƏRTAC-a bildirmişlər ki, bu məlumatlar Gəncə Şəhər Baytarlıq İdarəsi tərəfindən araşdırılmışdır. Araşdırma nəticəsində müəyyən edilmişdir ki, kənddən alınıb gətirilmiş, antisanitar vəziyyətdə və normal qızdırılma şəraiti olmayan yerdə saxlanılmış 5 baş quş tələf olmuşdur.
Mütəxəssislər ölmüş quşlardan müayinə üçün patoloji nümunələr götürmüş, onların saxlanıldığı ərazini dezinfeksiya etmişlər. Gəncə Şəhər Baytarlıq İdarəsinin verdiyi məlumata görə, nümunələr elə həmin gün müayinə üçün Xanlar Zona Baytarlıq Laboratoriyasına və Respublika Baytarlıq Laboratoriyasına göndərilmişdir.
Müayinələrin nəticələri bir neçə gündən sonra açıqlanacaqdır.
Bölmənin digər xəbərləri
