“Mübarizəmin salnaməsi” kitabı nəşr olunub
Bakı, 8 sentyabr, AZƏRTAC
Azərbaycan Turizm və Menecment Universitetinin (ATMU) professoru, tarix elmləri doktoru Məhərrəm Zülfüqarlının “ Mübarizəmin salnaməsi”adlı kitabı işıq üzü görüb.
İnstitutdan AZƏRTAC-a bildirilib ki, M.Zülfüqarlı 70 illik yubileyi münasibətilə nəşr etdirdiyi kitabın “Ön söz”ündə xeyrin şər üzərində qələbəsinə inandığını, yaşanmış ömrün hər dönəmində də xeyirxahlığı həyat amalı bildiyini xüsusi vurğulayır. “Nəslin şəcərəsi” fəslində ata tərəfdən Cənubi, ana tərəfdən isə Şimali Azərbaycanla bağlılığı faktını diqqətə çatdıran müəllif “bütöv Azərbaycanın övladı olduğundan qürurlandığını”deyir.
Kitabın “Məktəb illəri (1961–1972)”, “Tarix fakültəsinin tələbəsi (1972–1977)”, “Dövlət təyinatı ilə kənddə orta məktəb müəllimi (1977–1980)”, “Azərbaycan Neft-Kimya İnstitutunun Sumqayıt filialının müəllimi (1981-1992-ci il)”, “Gərgin siyasi fəaliyyət dövrü (1988–2004)”, “Milli QHT Forumu ilə əməkdaşlıq və İctimai Problemlərin Tədqiqi Assosiasiyasının təsis edilməsi (2005-2020-ci il)”,“Azərbaycanda Vətəndaş Cəmiyyətinin İnkişafına Yardım Assosiasiyasında (AVCİYA) fəaliyyət (2007 –2024-cü il)”, “Azərbaycan Turizm və Menecment Universitetində müəllimlik fəaliyyətinin davamı”, “Elmi fəaliyyətdə üzləşdiyim haqsızlıqlar (1982–2022-ci illər)” adlanır.
Kitabda müəllifin çap edilmiş 105 kitabının siyahısı verilib.
Bölmənin digər xəbərləri
