“MÜƏLLİMLƏRİN TƏKMİLLƏŞDİRİLMƏSİ (İNSETT)” LAYİHƏSİ İLƏ ƏLAQƏDAR MEMORANDUMUN İMZALANMA MƏRASİMİ KEÇİRİLMİŞDİR
Təhsil naziri Misir Mərdanov mərasimi açaraq, Azərbaycan Prezidenti Heydər Əliyevin Böyük Britaniyaya səfərlərindən sonra ölkələrimiz arasında əlaqələrin dinamik inkişaf etdiyini vurğulamışdır.
Respublikamızda ingilis dilinin öyrənilməsinə xüsusi maraq olduğunu bildirən nazir demişdir ki, layihə vasitəsilə müəllimlərin təkmilləşdirilməsi işi inkişaf etdiriləcək və təhsil müəssisələrində ingilis dilinin tədrisinin səviyyəsi yüksəldiləcəkdir. Bununla yanaşı o, layihə çərçivəsində Bakıda ikiillik intensiv pilot proqramının həyata keçirilməsinin nəzərdə tutulduğunu da xatırlatmışdır.
Böyük Britaniyanın ölkəmizdəki səfiri Endryu Taker və British Council-in direktoru Marqaret Cək layihənin uğurla həyata keçiriləcəyinə və öz bəhrəsini verəcəyinə əmin olduqlarını vurğulamışlar.
Memorandumu təhsil naziri Misir Mərdanov və British Council-ın direktoru Marqaret Cək imzalamışlar.
Bölmənin digər xəbərləri
