Muğla sakini: Azərbaycanlı yanğınsöndürənlər Muğlada yüksək fədakarlıq göstərirlər
Muğla, 9 avqust, İlyas Zeynallı, AZƏRTAC
Azərbaycandan gələn yanğınsöndürənlər Muğla və Marmarisdə yüksək fədakarlıq göstərirlər. Biz bir millət iki dövlətik.
Bu fikirləri AZƏRTAC-ın yanğın böhran bölgəsinə ezam olunmuş müxbirinə açıqlamasında Sazak kənd sakini Coşqun Bayar deyib.
Ərazidə baş verən yanğınlarda könüllü iştirak edən C.Bayar buradakı fəaliyyətlərindən danışıb: “Burdakı fəaliyyətimiz yanğın çıxdığı zaman dərhal köməyə getməkdir. Bəzən isə burada yanğınsöndürənlərə, polislərə könüllü olaraq yardım etməkdir. Hazırda kənddən insanlar şəxsi təsərrüfatları ilə birlikdə təxliyə olunublar. Şükürlər olsun ki, bu günədək burada ölən və ya xəsarət alan olmayıb. Biz inanırıq ki, yanğın qısa müddətdə söndürüləcək. Ərazi tamamən yanğından mühafizə olunduqdan sonra isə kənd sakinləri yenidən öz evlərinə qayıdacaqlar”.
Bölmənin digər xəbərləri
