MURADXANLIDA NEFT EHTİYATI HƏLƏ ÇOXDUR

11.07.2006 [15:14]
Çap et
A⁺ A^-

Dövlət Neft Şirkətindən AZƏRTAC-a bildirmişlər ki, aparılmış son hesablamalara görə, Muradxanlı neft yataqlarında hələ kifayət qədər neft ehtiyatı qalmaqdadır. Son tədqiqatlar zamanı bu yataqda toxunulmamış geoloji obyektlər aşkar edilərək çıxarıla bilən neft ehtiyatlarının həcmi barədə nikbin məlumatlar əldə olunmuşdur. “Azneft” İB-nin rəhbərliyi burada yeni quyuların qazılmasını sürətləndirmək və kəşfiyyat işlərini davam etdirmək niyyətindədir.

Muradxanlı yatağı 1971-ci ildə açılmışdır. Yataqda qazılmış birinci quyu 3 min 786 metrdən sutkada 70 ton neft vermişdir. Növbəti quyuların məhsuldarlığı 500, hətta 1000 ton olmuşdur. Lakin belə yüksək məhsuldarlıq uzun müddət davam edə bilməzdi. Yüksəkhasilatlı quyular adətən su ilə tez dolur, qumla örtülür və uzun müddətə təmirə dayanmalı olur. Mədənin hazırda fəaliyyətdə olan quyu fondunda 60 quyu vardır. Həmin quyulardan 51-də neft fontan üsulu ilə çıxır. İlin əvvəlindən müəssisədə 15 min 200 ton neft hasil edilmişdir.

MURADXANLIDA NEFT EHTİYATI HƏLƏ ÇOXDUR

MÜƏLLİFLƏ ƏLAQƏ

Bölmənin digər xəbərləri