MÜSTƏQİL AZƏRBAYCAN - ÜMUMMİLLİ LİDER HEYDƏR ƏLİYEVİN ŞAH ƏSƏRİDİR
AZƏRTAC xəbər verir ki, Sabunçu Rayon İcra Hakimiyyətində ulu öndər Heydər Əliyevin anadan olmasının 85-ci ildönümü ilə əlaqədar “Müstəqil Azərbaycan - ümummilli lider Heydər Əliyevin şah əsəridir” mövzusunda tədbir keçirilmişdir.
Əvvəlcə rayon icra hakimiyyətinin binasında müasir Azərbaycan dövlətinin memarı və qurucusu, ölkəmizin tarixində və xalqımızın yaddaşında əbədi yaşayacaq Heydər Əliyevin büstünün açılışı olmuş, abidənin önünə gül dəstələri qoyulmuşdur.
Dünya şöhrətli siyasi xadim Heydər Əliyevin doğma Vətəni və xalqı qarşısında əvəzsiz xidmətlərini xatırladan rayon icra hakimiyyətinin başçısı Əlibaba Əliyev ulu öndərin mənalı ömür yolundan ətraflı söz açmışdır.
Tədbirdə çıxış edən digər natiqlər ümummilli lider Heydər Əliyevin dövlətimizin möhkəmləndirilməsi, müstəqilliyimizin əbədi olması istiqamətində gördüyü əvəzsiz işlərdən, Azərbaycan xalqının hərtərəfli inkişafı naminə göstərdiyi misilsiz xidmətlərdən söhbət açmış, hazırda bu siyasətin Prezident İlham Əliyev tərəfindən uğurla davam etdirilməsini diqqətə çatdırmışlar.
Əminliklə bildirilmişdir ki, Heydər Əliyevin müəyyən etdiyi siyasi xətt xalqımızı xoşbəxt gələcəyə qovuşduracaqdır.
Bölmənin digər xəbərləri
