Muzeydə Azərbaycan milli geyimləri təqdim olunmuşdur
Bakı, 31 oktyabr (AZƏRTAC). AMEA-nın Milli Azərbaycan Tarixi Muzeyində (MATM) Azərbaycanın milli geyimləri təqdim olunmuşdur.
Muzeydən AZƏRTAC-a bildirmişlər ki, MATM-ın laboratoriyasının əməkdaşı, rəssam-bərpaçı Nuridə Hüseynova muzey eksponatları əsasında sırf etnoqrafik geyimlər hazırlamışdır.
Bu geyimlər XIX-XX əsrlərdə istifadə olunmuş Qarabağ milli geyimləridir. Geyimlərin ilk təqdimatı “Maddi mədəniyyət abidələrinin bərpası, konservasiyası və mühafizəsi problemləri” mövzusunda Beynəlxalq elmi konfrans çərçivəsində baş tutmuş və tədbir iştirakçılarının böyük marağına səbəb olmuşdur.
Nümayişin fotoları ilə saytın “Fotoqalereya” bölməsində tanış olmaq mümkündür.
Bölmənin digər xəbərləri
