“Nabat” bədii filminin çəkilişləri davam edir
Bakı, 13 oktyabr (AZƏRTAC). Xəbər verdiyimiz kimi, C.Cabbarlı adına “Azərbaycanfilm” kinostudiyasında dövlət sifarişi ilə “Nabat” adlı yeni tammetrajlı bədii filmin çəkilişlərinə başlanılıb.
AZƏRTAC xəbər verir ki, hərbi-vətənpərvərlik mövzusunda olan filmin çəkilişləri hazırda İsmayıllı rayonunun Həftəsiyab kəndində aparılır.
Filmin ssenari müəllifləri İlqar Fəhmi, Elxan Nəbi və Elçin Musaoğludur. Ekran əsərinin quruluşçu rejissoru Elçin Musaoğlu, rejissoru Rövşən Ağayev, quruluşçu operatoru Əbdülrəhim Bəşəratdir.
Filmin çəkiliş qrupu paytaxta dekabrın ortalarında dönəcəkdir. Nəzərdə tutulan çəkilişlərin 50 faizi artıq yekunlaşmaq üzrədir.
Ekran əsərindəki baş rolu İrandan dəvət olunmuş məşhur aktrisa Fatimə Motomedareya ifa edir.
Film Azərbaycan qadınının şücaətini, dözümlülüyünü, qəhrəmanlığını bir daha göz önündə canlandırır.
Bölmənin digər xəbərləri
