“Nar” “İkiqat bayram” kampaniyasına başlayıb
Bakı, 17 dekabr, AZƏRTAC
“Nar” mobil operatoru “İkiqat bayram” kampaniyasına başlayıb.
Şirkətdən AZƏRTAC-a bildirilib ki, kampaniya çərçivəsində 2 manatdan 50 manatadək ödəniş etmiş abunəçilər balanslarına yüklədikləri puldan əlavə həmin məbləğin 100 faizi həcmində 7 gün ərzində aktiv olacaq şəbəkə daxili bonus dəqiqələr qazanırlar. Bundan başqa, mobil operator heç bir ödəniş şərti olmadan ikitərəfli bağlı olan 3G+ data nömrələrin balansına da 30 günlük 400 meqabayt pulsuz internet trafiki yükləyir.
Kampaniya müddətində öncədən ödənişli nömrələri ikitərəfli qaydada bağlı olan, Sim-kartlarını itirən və ya zədələyən abunəçilər “Nar” satış və xidmət mərkəzlərində öz şəxsiyyət vəsiqələrini təqdim etməklə pulsuz Sim-dublikat əldə edə bilərlər. İkitərəfli bağlı nömrələri yenidən aktiv edilən abunəçilər yanvarın 15-dək kampaniyadan yararlana biləcəklər.
Daha ətraflı məlumat “Nar”ın rəsmi internet səhifəsində (www.nar.az) yerləşdirilib.
Bölmənin digər xəbərləri
