“Nar Mobile” AzCinemaOnline internet” layihəsinin sponsorudur
Bakı, 30 oktyabr (AZƏRTAC). “Nar Mobile” Azərbaycan mədəniyyətinin təbliği istiqamətində fəaliyyətini davam etdirir.
Azərbaycanın kinematoqrafiya sənətinin inkişafı missiyasına öz töhfəsini verən mobil operator misilsiz kino irsinin təbliğ edilməsi məqsədi ilə yaradılan və Azərbaycan kinematoqrafiyasının zəngin incilərinin yerləşdirildiyi “AzCinemaOnline internet” layihəsinin sponsorluğunu öz üzərinə götürmüşdür.
Şirkətdən AZƏRTAC-a bildirmişlər ki, “AzCinemaOnline İnternet” kinoteatrının əsas məqsədi milli kino və mədəniyyətin təbliğindən ibarətdir. Azərbaycan istehsalı olan bədii, sənədli və qısametrajlı filmlərin geniş tamaşaçı auditoriyasına çatdırılması və yayılması perspektivləri baxımından son dərəcə əhatəli və rahat İnternet resursu olan “AzCinemaOnline” milli filmlərin bir araya toplandığı ilk veb-mənbədir.
Bu veb-resurs (www.azcinemaonline.com) Mədəniyyət və Turizm Nazirliyi, Azərbaycan Respublikası Kinematoqrafçılar İttifaqının dəstəyi ilə “Nərimanfilm” kino şirkəti tərəfindən yaradılmışdır.
Bölmənin digər xəbərləri
