NARKOTİK MADDƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Narkotiklərlə Mübarizə Baş İdarəsi əməkdaşlarının keçirdiyi əməliyyat nəticəsində Bakı şəhər sakini Elçin Əsədovdan 0,544 qram heroin götürülmüşdür. Onun idarə etdiyi “VAZ-2106” markalı avtomaşına baxış zamanı əlavə 0,324 qram heroin aşkar olunmuşdur.
Narkotiklərlə Mübarizə Baş İdarəsi və Yasamal Rayon Polis İdarəsi əməkdaşlarının keçirdiyi birgə əməliyyat nəticəsində Bakı şəhər sakini Rizvan Mustafayevdən 0,302 qram, Kamil Qafarovdan 0,226 qram, Nəsimi Rayon Polis İdarəsi 19-cu bölməsinin işçiləri isə Elşən Səfərovdan 0,221 qram heroin müsadirə etmişlər.
Faktlarla bağlı cinayət işi açılmışdır.
Bölmənin digər xəbərləri
