Narkotiklərin qanunsuz dövriyyəsində şübhəli bilinən Sumqayıt sakini saxlanılıb
Bakı, 3 may, AZƏRTAC
Baş Narkotiklərlə Mübarizə İdarəsi əməkdaşları əldə edilmiş məlumat əsasında Sumqayıt şəhəri ərazisində əməliyyat keçiriblər.
Daxili İşlər Nazirliyinin mətbuat xidmətindən AZƏRTAC-a bildiriblər ki, narkotiklərin qanunsuz dövriyyəsində şübhəli bilinən şəhər sakini Asif İbrahimov saxlanılıb. Şəxsi axtarış zamanı ondan 10 qrama yaxın heroin aşkar edilib.
Davam etdirilən əməliyyat-axtarış tədbirləri ilə onun yaşadığı evdən əlavə olaraq 401 qramdan artıq heroin və elektron tərəzi aşkar edilərək götürülüb.
Faktla bağlı cinayət işi başlanılıb.
Bölmənin digər xəbərləri
