NAXÇIVAN DÖVLƏT UNİVERSİTETİNİN YENİ KORPUSU İSTİFADƏYƏ VERİLMİŞDİR
Bu münasibətlə keçirilən tədbirdə universitetin rektoru, akademik İsa Həbibbəyli ölkəmizdə təhsilə göstərilən yüksək qayğıdan söz açmış, NDU-nun möhkəmlənən maddi-texniki bazası haqqında məlumat vermişdir.
NDU-nu dahi öndər Heydər Əliyevin yadigarı kimi dəyərləndirən Naxçıvan Muxtar Respublikası Ali Məclisinin sədri Vasif Talıbov ümummilli liderimizin təhsil quruculuğu sahəsindəki xidmətlərini xatırlamış, ölkəmizin başçısı İlham Əliyevin uğurla davam etdirdiyi təhsil strategiyasından danışmışdır.
Rəmzi lent kəsildikdən sonra iştirakçılar binanın foyesində “Heydər Əliyev və Naxçıvan Dövlət Universiteti” sənədli filminə baxmışlar. Filmdə 1992-ci ildə Muxtar Respublika Ali Məclisinin sədri işləyən Heydər Əliyevin universitetin 25 illik yubileyində, 1999-cu ildə dövlət başçısı kimi NDU-nun 1600 yerlik tədris korpusunun açılışında söylədiyi nitqlərinə, Prezident İlham Əliyevin 2004-cü ildə universitetin elektron kitabxana binasının açılışında iştirakına yer verilmişdir.
Bölmənin digər xəbərləri
