Naxçıvanda sahibkarlara 110 mənşə sertifikatı verilib
Naxçıvan, 20 may, AZƏRTAC
Naxçıvanda ixrac üçün nəzərdə tutulan məhsullara verilən mənşə sertifikatlarına tələbat artmaqda davam edir.
Naxçıvan Muxtar Respublikası İqtisadiyyat Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, bu ilin yanvar-aprel aylarında nazirlik yanında Antiinhisar və İstehlak Bazarına Nəzarət Dövlət Xidməti tərəfindən sahibkarlıq fəaliyyəti ilə məşğul olan şəxslərə 110 mənşə sertifikatı verilib. Bu, ötən ilin müvafiq dövrü ilə müqayisədə 20,9 faiz çoxdur.
Hesabat dövründə verilən mənşə sertifikatların 60 faizini CT-1 formalı mənşə sertifikatı, 40 faizini isə “Ümumi” formalı mənşə sertifikatı təşkil edib.
Bölmənin digər xəbərləri
