Neftçalada nikaha daxil olanların sayı 0,6 faiz artıb
Neftçala, 18 noyabr, Aydın Yavərzadə, AZƏRTAC
Neftçala rayonunda əhalinin sayı ilin əvvəlindən 0,4 min nəfər və yaxud 0,4 faiz artaraq cari ilin oktyabr ayının 1-i vəziyyətinə 90 min nəfərə çatıb. Əhalinin sıxlığı bir kvadrat kilometrə 62 nəfər olub.
Neftçala Rayon Statistika İdarəsindən AZƏRTAC-ın bölgə müxbirinə verilən məlumat görə, rayon əhalisinin ümumi sayından 46,2 faizi şəhər, 53,8 faizi isə kənd yerlərində məskunlaşıb. Əhalinin 49,5 faizini kişilər, 50,5 faizini isə qadınlar təşkil edib. 2022-ci ilin yanvar-sentyabr aylarında rayon üzrə ölənlərin sayı 445 nəfər olub, bu da 2021-ci ilin müvafiq dövrü ilə müqayisədə 19 nəfər və ya 4,1 faiz azdır.
Bu ilin yanvar-sentyabr aylarında qeydiyyat şöbələri tərəfindən rayonda 357 nikah və 86 boşanma halları qeydə alınıb. 2021-ci ilin müvafiq dövrü ilə müqayisədə nikaha daxil olanların sayı 2 nəfər və ya 0,6 faiz artıb, boşanma hallarının sayı isə 22 nəfər və ya 20,4 faiz azalıb.
Bölmənin digər xəbərləri
