NEFTÇALADA ÜMUMXALQ SƏSVERMƏSİ DEMOKRATİK ŞƏRAİTDƏ KEÇMİŞDİR
Azərbaycan Respublikası Konstitusiyasına dəyişikliklər edilməsi ilə əlaqədar ümumxalq səsverməsi Neftçala rayonunda da seçicilərin fəallığı şəraitində keçmişdir.
Rayon icra hakimiyyəti və YAP rayon təşkilatı referenduma hazırlıq dövründə yerlərdə geniş izahat işləri aparmış, idarə və müəssisələrdə, kənd və qəsəbələrdə, yaşayış məntəqələrində görüşlər keçirmiş, Konstitusiyadakı dəyişikliklərin hansı zərurətdən irəli gəlməsi, onların mahiyyəti barədə rayon sakinlərinə ətraflı məlumat vermişlər. Təbliğat və təşviqat qruplarının üzvləri evlərə, ailələrə getmiş, məhəllələri gəzmiş, referendumun məqsəd və məramını rayonun əhalisinə izah etmiş, adamları maraqlandıran suallara cavab vermiş, hamını ümumxalq səsverməsində iştirak etməyə çağırmışlar.
Rayonda məntəqələr lazımi avadanlıqla və nəqliyyat vasitələri ilə təmin olunmuş, telefonlaşdırılmışdır. Burada səsvermənin şəffaf, demokratik şəraitdə keçməsi üçün lazımi şərait yaradılmışdır.
Bütün bunların nəticəsidir ki, Nefçalada ümumxalq səsverməsi əhalinin böyük fəallığı və mütəşəkkilliyi şəraitində keçmişdir.
Bölmənin digər xəbərləri
