“NEFTÇİ” “BAKI”YA QALİB GƏLMİŞDİR
Bakı, 25 oktyabr (AZƏRTAC). Oktyabrın 25-də daha 4 oyunla futbol üzrə Unibank Azərbaycan Premyer Liqasının 8-ci turu başa çatmışdır.
Ən maraqlı görüş “Bakı” və “Neftçi” komandaları arasında olmuşdur. “Neftçi” Andrian Nyaqa və Marian Aliutanın qolları sayəsində 2:0 hesabı ilə qələbə qazanmışdır.
Digər görüşlərdə aşağıdakı nəticələr qeydə alınmışdır: “Karvan” - “Qarabağ” - 1:1, “Turan” - Qəbələ” - 0:1, “İnter” - “Standard Sumqayıt” - 4:2.
Xatırladaq ki, bir gün əvvəl keçirilmiş görüşlərdə “Xəzər-Lənkəran” “Simurq”u 3:0 hesabı ilə məğlub etmiş, “Olimpik-Şüvəlan” - “Muğan” görüşündə isə qapılara qol vurulmamışdır.
Bu turdan sonra “İnter” 19 xalla turnir cədvəlində liderliyini qorumuşdur. “Qarabağ” (17 xal) ikinci, “Simurq” (16 xal) isə üçüncü pillədədir.
Bölmənin digər xəbərləri
