NƏSİMİ RAYONU TƏHSİL İŞÇİLƏRİNİN AVQUST KONFRANSI KEÇİRİLMİŞDİR
Konfransda ölkəmizdə yeni cəmiyyət qurulması sahəsində islahatların aparılmasından, “Azərbaycan Respublikasının təhsil sahəsində İslahat Proqramı”nın yerinə yetirilməsindən söhbət açılmışdır.
Rayon təhsil şöbəsinin müdiri Müslüm Qəzənfərov hesabat məruzəsi ilə çıxış etmişdir. Natiq demişdir ki, ötən 4 ildə aparılan islahatlar əhəmiyyətli yeniliklərlə müşayiət olunmuşdur. Bu yeniliklərin Nəsimi rayonunun məktəblərində tətbiqi üçün peqaqoji kollektivlər bütün qüvvə və bacarıqlarını səfərbər etmişlər.
Çıxış edənlər Tələbə Qəbulu üzrə Dövlət Komissiyasının belə bir məlumatını da vurğulamışlar ki, rayonun orta ümumtəhsil məktəblərini bitirmiş 1738 nəfər məzundan 1073 nəfəri ali məktəblərə qəbul olunmuşdur. Onlardan 33 nəfəri 600-dən yuxarı bal toplamışdır.
Təhsildə fərqlənmiş bir qrup müəllimə diplomlar və pul mükafatı verilmişdir.
Azərbaycan müəllimlərinin XII qurultayına nümayəndələr seçilmişdir.
Tədbirin iştirakçıları Prezident Heydər Əliyevə müraciət qəbul etmişlər.
Bölmənin digər xəbərləri
