Niderlandda koronavirusa 26 mindən çox insan yoluxub
Haaqa, 14 aprel, AZƏRTAC
Niderlandda koronavirusa yoluxanların sayı 26 min 551-ə, ölənlərin sayı isə 2823 nəfərə çatıb.
AZƏRTAC xəbər verir ki, Niderlandın Dövlət Səhiyyə İnstitutu ölkədə koronavirus epidemiyasının yaratdığı sanitar böhranla bağlı mətbuata açıqlamasında deyib. Bildirilib ki, son bir sutka ərzində 86 ölüm qeydə alınıb.
Niderland epidemiyaya qarşı mübarizədə məcburi təcridolma rejimini qəbul etməyən ölkələr arasında idi. Ancaq tədricən hökumət xalqa ehtiyatlı olmaqla bağlı müraciət edib və bu gün ölkədə insanlar könüllü olaraq təcrid olma rejiminə riayət edirlər.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
