NİGERİYADA İKİ FRANSA VƏTƏNDAŞI GİROV GÖTÜRÜLMÜŞDÜR
AZƏRTAC-ın xüsusi müxbiri xəbər verir ki, iki Fransa vətəndaşı Nigeriyanın cənubunda neftlə zəngin Harkurt limanında girov götürülmüşdür.
Onlarla silahlı şəxs Nigeriya deltasındakı barların birinə soxulmaq istərkən atışma baş vermiş, müştərilərdən 3-ü hadisə yerində keçinmişdir. İçəri daxil olan cinayətkarlar yerli neft şirkətində çalışan iki fransızı girov götürərək naməlum istiqamətə aparmışlar.
Fransanın Xarici İşlər Nazirliyi girovların azad edilməsi üçün müəyyən tədbirlərin görüldüyünü bildirmişdir.
Xatırladaq ki, 2006-cı ildən bəri Nigeriyada hökumət əleyhinə fəaliyyət göstərən silahlı qüvvələr tərəfindən 200 xarici vətəndaş girov götürülmüşdür. Onların əksəriyyəti pul vəsaiti ödənildikdən sonra azad edilmişlər.
Bölmənin digər xəbərləri
